Përfaqësues të organizatave që monitorojnë ecurinë e medias në Shqipëri, raportojnë disa probleme në lidhje me etikën, të dhënat personale dhe të drejtat themelore të njeriut.
Më të pambrojturit sipas studimeve janë fëmijët. Analizat dhe vëzhgimet në këtë fushë konstatojnë se mediat fokusohen më shumë tek viktima, se tek zgjidhja, dhe se vetëm në 2 për qind të rasteve i kushtohet rëndësi zgjidhjes.
Autoriteti i Mediave Audiovizive dhe Komisioneri për të Dhënat Personale, dy institucione që trajtojnë ankesat, vërejnë se gjatë viteve të fundit ka përmirësime të dukshme gjatë raportimeve në media në lidhje me këto probleme.
Gazetarja Mimoza Picari sjell materialin e përgatitur për Zërin e Amerikës.
