Partia e udhëhequr nga Nikolla Gruevski, VMRO-DPMNE kumtoi se nuk është arritur marrëveshje për koalicionim me BDI-në e udhëhequr nga Ali Ahmeti andaj kërkojnë zgjedhje të reja parlamentare, siç argumentojnë ata për të dalë nga kriza.
“VMRO-DPMNE së bashku me koalicionin “Për Maqedoni më të mirë” si fituese të zgjedhjeve të fundit duke marrë më shumë vota dhe deputetë vlerëson se formimi i Qeverisë duhet të shërbejë për të mbyllur krizën politike në vend dhe jo për thellimin e saj.
Gjithashtu ata vlerësojnë se mbajtja e zgjedhje të reja është zgjidhje në shërbim të tejkalimit të krizës në vend” ka kumtuar VMRO pas takimit që e kanë pasur në selinë e tyre.
/zhurnal.mk/
