Një sasi prej 710 kg kanabis sativa është sekuestruar nga policia e Vlorës si dhe është arrestuar në flagrancë poseduesi 71-vjeçari Selman Hamitaj.
Në sajë të operacionit antidrogë “Weekends” u sinjalizua furgoni me të cilin po transportohej sasia e drogës. Pas ndjekjes së mjetit ai u bllokua mëngjesin e të premtes në shtëpinë e Selman Hamitaj nga Dukati i Vlorës.
Pas kontrollit të bërë u zbuluan 27 pako të mbështjella me natriban, dhe 8 çanta sportive.
Gjithashtu është shpallur në kërkim B. T, 44 vjeç nga Durrësi, si autor i dyshuar që ka lidhje me këtë ngjarje.
