Miratohet me vota tërësisht të të majtëve buxheti i bashkisë Vlorë. 30 vota pro, një absentim dhe shtatë kundër kanë qenë votat për buxhetin e bashkisë Vlorë për vitin 2018. Votat kundër kanë ardhur nga këshilltarët e Partisë Demokratike, ndërsa ka pasur një mungesë të theksuar të këshilltarëve të LSI në sallë.
E vetmja përfaqësuese e LSI në sallë ka absentuar për miratimin e buxhetit të bashkisë së Vlorës. 16 miliardë lekë të vjetra është buxheti i bashkisë së Vlorës për vitin 2018, me prioritet investimet në infrastrukturë. Buxheti i vijimit te investimeve, kryesisht ne infrastrukture te nisura qe ne nje vit me pare eshte cilesuar nga kryetari i bashkise se Vlorës buxheti i vitit 2018 per bashkine e Vores.
E ndarë në zëra, buxheti parashikon në pjesën më të madhe të tij investimet që priten të realizohen në infrastrukturë për vitin 2018, ndërkohë që kryebashkiaku Dritan Leli pasi ka bërë një pasqyrë të investimeve të pritshme ka kërkuar nga këshilltarët miratimin e një buxheti në ndihmë të qytetarëve
Këshilltarët e PD të pranishëm në sallë kanë dalë kundër buxhetit të propozuar nga Bashkia Vlorë për vitin 2018, ndërsa në një moment këshilltari i PD, Atird Hoxha e ka cilësuar të paaftë administratën bashkiake. Mes debateve nga këshilltarët, është kaluar në votim, ndërsa nga 44 këshilltarë, të pranishëm në sallë kanë qenë vetëm 38. Kanë munguar në pjesën më të madhe këshiltarët e LSI, ndërsa buxheti ka kaluar pas votimit me 30 vota pro, tërësisht të majta, kundër këshilltarët e PD-së, ndërsa e vetmja përfaqësuese e LSI në sallë ka absentuar.
