Vlora ishte epiqendra e Covid-19 në 24 orët e fundit.
Ministria e Shëndetësisë raportoi se në qytetin bregdetar vetëm gjatë ditës së sotme janë shënuar 51 raste të reja me koronavirus.
Të prekur ka pasur në radhët e prefekturës, shkollës, në Gjykatën e Apelit, por edhe në qendrën shëndetësore dhe Policinë e Qarkut të Vlorës.
Mësohet se pozitiv me Covid-19 kanë rezultuar një psikologe dhe një sanitare në një shkollë 9-vjeçare. Ndërkohë, në prefekturë është infektuar një punonjës i saj.
Nga rastet e raportuara bëhet me dije se janë infektuar dy edukatore në një kopsht dhe një sekretar pranë Gjykatës së Apelit Vlorë.
Të konfirmuar me COVID-19 janë edhe dy infermiere në qendër shëndetësore dhe një punonjës pranë kujdesit shëndetësor. Të prekur rezultojnë po ashtu dy punonjës në Policinë e Vlorës.
