“Është e drejta e tyre kushtetuese edhe kam besim se politika do të gjejë guximin dhe kurajon t’i respektojë të drejtën kushtetuese qytetarëve”
Ambasadorja e BE-së Romana Vllahutin, i ka bërë thirrje nga Gjirokastra politikës shqiptare, që të arrijë kompromisin me qëllim që më 18 qershor qytetarët shqiptarë të votojnë. Ajo ritheksoi se është e drejta e tyre kushtetuese dhe politika është e detyruar t’i respektojë këtë të drejtë qytetarëve.
“Jam shumë e sigurt në mënyrë apsolutë që do të ketë guxim dhe kurajo të mjaftueshme që do ta shprehë politika shqiptare për t’iu dhënë qytetarëve shqiptarë të drejtën e tyre kushtetuese për të votuar. Kjo do të thotë se nuk duhet të jetë dhe nuk ka për të qënë bllokim për shkak të amabicies. Sa i përket rolit të Bashkimit Evropian, çdo gjë që ne bëjmë, e bëjmë për qytetarët e Shqipërisë dhe besojmë në mënyrë apsoloutë që politikanët shqiptarë do marrin vendime në interes të qytetarëve”, tha Vllahutin.
