Policia italiane ka shkatërruar një bandë të rrezikshme të përfshirë në lloje të ndryshme të krimeve ndërsa ka arrestuar tre shqiptarë.
Arrestimi i kriminelëve, u zhvillua në Pero, në zonën e Milanos. Të arrestuarit janë Emanuel Macaj, 31 vjeç, Gentian Kurtulla, 27 vjeç, Xhovan Bela, 23 vjeç, të gjithë të përfshirë në lloje të ndryshme të krimeve.
Hetimet ndaj tyre nisën më 3 shkurt të këtij viti, kur një qytetar sinjalizoi për lëvizjet e dyshimta të një Audi S5.
Karabinierët ndërhynë atë natë për të kapur makinën, e cila po lëvizte me shpejtësi të larta dhe manovra të rrezikshme. Mjeti më pas u përplas dhe u bë i papërdorshëm.
“Audi S5” është vjedhur në Arcore më 4 tetor 2018 dhe u zbulua më vonë në Milano. Kjo ngjarje drejtoi hetimet në zonë.
Falë hetimeve të vazhdueshme, karabinierët arritën të zbulojnë vendqëndrimin e bandës, një garazh në Pero që përdorej për të fshehur makinat e vjedhura të përdorura gjithashtu për kryer krime të tjera.
Më 4 korrik, karabinierët u fshehën brenda kompleksit të garazhit, në pritje të kthimit të kriminelëve, të cilët u bllokuan menjëherë.
Të tre u arrestuan me akuza të ndryshme, si vjedhje makinash, posedim armësh, posedim të lëndëve narkotike, pasi u gjetën 1 kg marihuanë, vjedhje dhe rezistencë ndaj zyrtarëve publikë.
Brenda makinës, karabinierët gjithashtu gjejnë një skaner për frekuencat e forcave të policisë dhe një bllokues sinjali.
Macaj, kërkohej ndërkohë në Busto Arsizio për vjedhje të tjera, ndërsa ishte dëbuar më herët nga Italia.
Hetimet e mëtejshme janë në proces për t’i zbuluar ngjarje të tjera kriminale të kryera nga grupin në pjesën e Italisë Veriore.
