Përfaqësuesja e lartë e Politikës së Jashtme të Bashkimit Europian, Federica Mogherini shtyn takimin në Bosnjë.
Problemet me uljen në aeroportin ndërkombëtar të Sarajevës e detyruan kryediplomaten europiane të shtynte takimet me pjesëtarët e Presidencës boshnjake.
Vëmendja tani është spostuar tek vizita e saj në Maqedoni, vendi që i pa ngërçet etnike të materializoheshin sërish me reagimet e ashpra ndaj mundësisë së krijimit të një qeverie të social-demokrateve të mbështetur nga partitë.
Vëzhguesit e huaj druhen se në Maqedoni mund të vendoset një lloj diktature, thotë “DW”.
“Nuk ka kohë për të humbur”, deklaron Johannes Hahn, ndërsa Parlamenti Europian i kërkon Shkupit reforma të vërteta në sundimin e ligjit dhe luftën kundër korrupsionit. Vendi ka hyrë në një spirale negative, e cila i zbeh shumë shanset e anëtarësimit në BE. Në Maqedoni, Mogherini do të takohet së pari në parlament me liderët partiakë e në vazhdim, do të pritet nga presidenti Ivanov.
