Opozita po vijon protestën edhe gjatë ditës së sotme, duke hyrë kështu në ditën e dytë të saj. Dhjetra mbështetës të Partisë Demokratike, por edhe deputetë të kësaj force politike, kanë kaluar natën në çadrat e ngritura në bulevardin “Dëshmorët e Kombit”.
Deri rreth orës 06:00 të mëngjesit të sotëm me protestuesit ka qëndruar edhe kryetari i PD-së, Lulzim Basha dhe më pas është larguar për t’u rikthyer sërish në protestë.
Protestuesit dhe deputetët e PD-së janë të vendosur të qëndrojnë derisa të plotësohen kërkesat e tyre për qeveri teknike dhe garantimin e zgjedhjeve të lira dhe të ndershme. Madje, ata deklerojnë se mund të hyjnë dhe në grevë urije për këtë gjë.
