Vijojnë akuzat e Partisë Demokratike ndaj aleancës së majtë për blerje votash në Dibër. Kundërpërgjigjet deputetja socialiste Blerina Gjylameti.
Në një deklaratë për mediat, deputeti demokrat Oerd Bylykbashi tha se gjatë këtyre ditëve janë publikuar fakte me zë e figurë, për blerjen e votës nga ASHE. Ai shtoi se lufta e PD me kartelin e drogës sapo ka filluar, dhe se kjo forcë politike po përgatit raportin e plotë e të detajuar të rasteve te evidentuara në Dibër. Deputeti demokrat i bëri thirrje prokurorisë që të hetojë rastet e bëra publike deri më tani.
Nga ana tjtër, deputetja e Partisë Socialiste, Blerina Gjylameti, ka reaguar përmes një postimi në facebook ndaj deklaratave të Partisë Demokratike për rezultatin e zgjedhjeve në Dibër. Ajo shprehu keqardhje për faktin se opozita nuk pranoi rezultatin dhe se PD në këtë mënytrë po fyen zgjedhësit që i besuan Muharrem Ramës. Deputetja soicialiste tha se Basha e trajtoi Dibrën si një zonë të kriminalizuar. Gjylameti e mbyll deklaratën e sajë, duke thënë se qytetarët i dhanë një mësim të madh Partisë Demokratike, me zgjedhjen e kandidatit të ASHE si kryetar bashkie.
