Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Vijojnë mjekimet mister të kampionit Michael Schumacher, transportohet me urgjencë në Paris

Nga Media 0

Kampioni botëror Michael Schumacher ka mbërritur sot në Paris, në spitalin europian Georges Pompidou, në Departamentin Kirurgjisë Kardiovaskulare për një kurë e cila po mbahet sekrete.

Mësohet se Michael mbërriti në spital me ambulancë i shoqëruar nga një dyzinë mjekësh dhe asistentësh.

Le Parisien jep detaje sa i takon shtrimit urgjent në spital të Michael Schumacher.

Ai ishte i mbuluar komplet me një mbulesë blu për të mos ju dukur asnjë pjesë e trupit për ruajtjen e intimitetit. Ai gjithashtu ishte i shoqëruar edhe nga mjeku Gerard Saillant, mik personal i pilotit.

Dyshohet se bëhet fjalë për një tranfuzion të qelizave burimore të gjakut. Trajtimi pritet të ketë filluar mëngjesin e sotëm në mënyrë që piloti të largohet nga spitali të nesërmen.

Sipas mediave të huaja, Schumacher është trajtuar më shumë se dy herë në Paris, hera e fundit ishte pranverën e kaluar.

Misteri rreth kushteve shëndetësore të kampionit botëror 7 vjeçar është gjithmonë edhe më i madh. Shërbimet e tij shëndetësore janë kryer në mënyra të fshehura, me helikopter, rregjistrim me emër tjetër në spital dhe një ekip shumë i besueshëm që e rrethon.

Kujtojmë se Schumacher pësoi një aksident në 29 dhjetor 2013, kur goditi një shkëmb me kokën e tij gjatë një zbritjeje nga mali.

Ai u dërgua menjëherë në spitalin e Grenoble, me një “plagë të rëndë të kokës”, dhe ndonëse u operua menjëherë gjendja e tij mbeti kritike.

Pas dy operacionesh, katër javësh gjendje kome artificiale dhe disa muaj në kujdes intensiv, Schumacher u largua nga spitali Grenoble për në spitalin Vaud’s Lausanne në qershor 2014, dhe më pas u kthye në shtëpinë e tij zvicerane në Gland, në brigjet e Liqenit të Gjenevës.

Vila e tij tashmë është shndërruar në një qendër trajtimi të teknologjisë së lartë, por edhe në një kala në të cilën jeton së bashku me bashkëshorten e tij Corinna.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej