Kreu i Këshillit të Emerimeve në Drejtësi, Ardian Dvorani qendroi për më shumë se tre orë në Prokurorinë e Tiranës, pasi u mor në pyetje lidhur me padinë që ka bërë presidenti Meta ndaj tij.
Pas daljes nga Prokuroria, ai iu përgjigj interesit të gazetarëve që e pritën në dyert e prokurorisë që prej orës 10:00.
“Kam shpjeguar fakte dhe rrethana si kanë ndodhur dhe kam dhënë shpjegimet e mi si kanë ndodhur ngjarjet. Unë jam gjyqtar dhe s’mund të rri në media. Për këtë situatë është prokuroria që duhet të kryejë veprime. Hetimi nuk zhvillohet në media, por në këtë godinë (prokuroria). Faktin si ka ndodhur dhe shpjegimin si ka ndodhur e kam dhënë tek prokurorët. Për video e kështu me radhë, unë mund të them se institucionet, zyrtarët nuk i shtrojnë çështjet ligjore me filma artistikë me metrazh të gjatë e të shkurtër. Provat tregohen pranë isntitucioneve. Unë jam gjyqtar jo politikan, s’kam elektorat. Unë llogaris pozicionin tim me Kushtetutën e vendit”
