Pas arritjes së marrëveshjes për murin në veri të Mitrovicës nga autoritetet e Kosovës dhe përfaqësuesve serbë të Mitrovicës, ka filluar të punohet në këtë drejtim. Tashmë, ka nisur të sigurohet punishtja me pllaka të metalta që rrethon murin, pasi në marrëveshjen e mbrëmshme të nënshkruar nga kryeministri Isa Mustafa, ambasadori amerikan Greg Delawie dhe kryetari i veriu Goran Rakiç, thuhet që palët janë marrë vesh që muri të rrënohet sot ose nesër. Në veri janë parë policë civilë që po e përcjellin gjendjen, por gjithashtu janë parë pjesëtarë të UNMIK-ut duke filmuar fillimin e punimeve.
Zyra e BE-së e ka mirëpritur arritjen e marrëveshjes ndërmjet Qeverisë së Kosovës dhe Komunës së Mitrovicës Veriore, e nënshkruar mbrëmë pas mesnatës.
Kjo marrëveshje parashikon rrënimin e murit, i ndërtuar në afërsi të Urës së Ibrit, ndërkohë, që detyron Komunën e Mitrovicës Veriore të zbatojë këtë marrëveshje. Garantë të saj ishin edhe BE, Ambasada e SHBA-së në Kosovë, kryeministri Isa Mustafa dhe zëvendëskryeministri Branimir Stonajoviç.
/lajmi.net/
Zyra e BE-së publikon fotot, kur u arrit marrëveshje për rrënimin e murit.
