Pas tërmetit të 26 Nëntorit, banoret e Durrsit vazhdojnë të jenë në një gjëndje teper të vështire pas dëmeve që ka lënë tërmeti.
Njëri prej këtyre u shpreh se banesa e tij është shpallur e pabanueshmë por shteti ska bërë akoma diçka përveç ofrimit te një çadre sa për të futur koken.
“Më thanë se është e pabanueshme. Më kanë thënë se do të rregullohet, pa u prishur. Ne po jetojmë në çadër. Disa kanë ikur tek prindërit, tek të afërmit e tyre. Na kanë thënë të ikim, por kemi pajisje brenda shtëpisë, nuk i lëmë dot vetëm. E kemi të pamundur.
Nuk gjendet më as qiraja tani. Janë të gjithë në shtëpi me qira. Sna ka parë njeri me sy, as për ushqime, as për krevat, për asgjë. Nuk ka ça kokën njeri. Duam vetëm ato që ka premtuar shteti”, tha një prej banorëve.
Një qytetare tjetër u shpreh e pashpresë për ndihma nga shteti. Ajo tha se sytë i kanë drejtuar nga Zoti.
“Është ftohtë, është lagështirë. Është investimi i një jete, iku. Nuk dimë se çfarë do të bëhet. Sesi do të bëhet vetëm Zoti i madh e di”, u shpreh një banore tjetër.
