Banka Botërore: Shifrat më të ulëta të zotërimit të një llogarie në vendet e rajonit
Në se në serbi në çdo 100 qytetar, 83 prej tyre zotërojnë një llogari bankare, në Shqipëri në 100 persona vetëm 38% e tyre kanë një llogari bankare. Shqipëria renditet në vendin e fundit në rajon sa i përket numrit të qytetarëve që zotërojnë të paktën një llogari bankare. Sipas të dhënave të bëra publike nga Banka Botërore, 38 për qind e të rriturve shqiptarë zotërojnë një llogari bankare. Në rajonin tonë shifrat më pozitive të zotërimit të një llogarie bankare i ka Serbia, ku 83 për qind e zyrtarëve kanë një të tillë.
Sipas të të njëtave të dhëna të Bankës Botërore renditja për këtë tregues në vendet e tjera të Ballkanit është Kosova me 48 për qind Bosnja me 53 për qind, Mali i Zi 60 për qind dhe Maqedonia me rreth 72 për qind, ndërkohë që lider ballkanik është Serbia.
Në të gjithë botën në 3 vitet e fundit rreth 700 milionë të rritur u bënë zotërues të një llogarie bankare. Në nivel global, 62 për qind e të rriturve kanë raportuar një llogari në vitin 2014, nga 51 për qind që ka qenë në vitin 2011. Përqindja e të rriturve me një llogari në pothuajse çdo ekonomi është e kënaqshme. Në vende me të ardhura të larta zotërimi I një llogarie bankare është pothuajse universal: 94 qind e të rriturve kanë raportuar një llogari në vitin 2014.
Në ekonomitë në zhvillim vetëm 54 për qind e tyre e kanë. Përfshirja Financiare Globale një ndër raportet që Banka Botërore ka nisur të përpilojë që në vitin 2011, tregon se si njerëzit në mbarë botën kursejnë, marrin hua, bëjnë pagesa dhe menaxhojnë risqet e tyre financiare.
