Sekretari i përgjithshëm i Partisë Demokratike, Gazment Bardhi ka reaguar lidhur me vendimin e qeverisë për shtyrjen e qirave për bizneset e vogla dhe familjarët që kanë ndaluar punën për shkak të luftës
Bardhi shprehet se Rama u kërkon saktificë vetëm qytetarëve të zakonshëm, kur në fakt duhet të “sakrifikojë 120 milion euro që ka parashikuar të japë për 12 koncesione, 40 milion euro që ka parashikuar për shpenzimet operative të Qeverisë dhe 100 milion euro tendera luksi e të panevojshme.”
Reagimi i plotë:
Edi Rama u kërkon sakrificë vetëm qytetarëve të zakonshëm. Qytetarët nuk mund të mbajnë më gjatë barrën e taksës së korrupsionit që qeveritarët kanë futur në xhep. Taksa e korrupsionit i ka marrë peng dhe i detyron të mos anullojnë koncesionet dhe PPP.
Në vend që të sulmojë opozitën që po qendron në krah të qytetarëve në nevojë:
Edi Rama duhet të “sakrifikojë” 120 milion euro që ka parashikuar të japë për 12 koncesione dhe jo bukën e mijëra familjeve shqiptare.
Edi Rama duhet të “sakrifikojë” 40 milion euro që ka parashikuar për shpenzimet operative të Qeverisë dhe jo të lërë fëmijë pa bukë.
Edi Rama duhet të “sakrifikojë” 100 milion euro tendera luksi e të panevojshme dhe jo të fusë në borxh shqiptarët me njëri tjetrin.
Përgjegjësia e Qeverisë është që barrën e pamundësisë së mijëra qytetarëve të mos ua kalojë mijëra qytetarëve të tjerë, që janë po në kushtet e mbijetesës.
Barra duhet t’u kalojë qeveritarëve të korruptuar dhe oligarkëve që hanë milionat e shqiptarëve! Anullo koncesionet dhe PPP! Lëri fjalët boshe në facebook!
Kuvendi i Shqipërisë mban një minutë heshtje për ndarjen nga jeta të Rexhep Qoses –
Sot në seancën plenare të Kuvendit të Shqipërisë u mbajt një minutë heshtje në nderim të akademikut të njohur Rexhep...
