Deputetja e Partisë Demokratike Majlinda Bregu e ka cilësuar si lajmin më të mirë të vitit vendimin e sotëm të KQZ për heqjen e mandateve për Rroshin, Selamin dhe Tahirin.
Me anë të një postimi në Facebook Bregu shprehet: Për këdo që do të zhvillojë një karrierë profesionale dhe i ndërpritet për rrethana që ndonjëherë fati t’i sjell pa kërkuar, do të me vinte keq! Por për këdo që në politike a administrate vjen prej investimit në karrierë kriminale apo dhe për fshehje shkeljesh ligjore, Vendimi i sotëm i KQZ është lajmi më i mirë i këtij fundviti! Dekriminalizimi nisi si kauza kryesore e opozitës! Një arsye më shumë për t’u ndjerë mirë sot. Uroj të jetë garanci plus gjatë Vitit të Ri për të besuar se ligji duhet vetëm të zbatohet! Dhe, Uroj që të jetë një ogur i mirë për të qetësuar shpirtrat e trazuar dhe mendjet e paqarta paraelektorale!
