Presidenti i vendit, Ilir Meta ka dal sot në një konferencë për mediat, pas vendimit të Kolegjit Zgjedhor, që rrezoi kërkesën e Partisë së Unitetit Kombëtar, duke lënë në fuqi 30 qershorin.
Meta i ka bërë thirrje mazhorancës, me në krye kryeministrin Edi Rama, se do të përballen me ligjin, nëse vijojnë me paligjshmëri.
“Gjithçka që u pa dje ishte shfaqje e rëndomtë që nuk ka lidhje me shtetin e së drejtës dhe sundimin e ligjit. Jemi ne situatë paradoksale, ku Presidenti ka anuluar me dekretin datën ë zgjedhjeve, ndërkohë që mazhoranca në paligjshmëri të plotë vijon teatrin. Dekreti i Presidentit për shfuqizimin e dekretin për anulimin e datës së zgjedhjeve është marrë në vlefshmëri të plotë, ndaj dhe vetëm gjykata mund ta shqyrtojë. Vetëm Gjykata Kushtetuese dhe vetë ajo mund shqyrtojë vlershmërinë e dekretit të Presidentit të Republikës. Ky akt është në fuqi dhe i detyrueshëm për zbatim nga të gjithë në Republikën e Shqipërisë. Presidenti i bën thirrje mazhorancës të tërhiqet nga shantazhet ndaj institucioneve tona të pavarura pasi asgjë dhe askush nuk do ta justifikoj përballë ligjit. Vazhdoj të jem i duruar, të pres reflektimin e tyre. E vetmja rrugë për zgjidhjen e krizës mbetet vetëm dialogu politik dhe respekti i ligjit nga të gjithë”, ka deklaruar Meta.
https://www.facebook.com/ilirmetazyrtar/videos/2336767553257081/
