Temperaturat e larta kanë krijuar disa vatra të rrezikshme zjarri këtë verë në disa qarqe. Por ajo që është më shqetësuese është fakti se rastet e zjarrvënies janë më të mëdha gjatë këtij viti. Një prej qarqeve ku banorët nuk sensibilizohen me natyrën janë ata të fshatrave të Lezhës.
Dy vatra zjarri u shfaqën brenda disa minutave në lagjen “Piraj” të fshatit Blinisht përgjatë superstradës Lezhë – Shkodër. Zjarrvëniet janë të qëllimshme për të eliminuar vegjetacionin e tepërt apo dhe parcelat me prodhime bujqësorë. Fatmirësisht nuk pati rrezik për zonën e banuar.
Për shuarjen e zjarreve ndërhynë forcat zjarrfikëse të cilat brenda një kohe të shpejt i vunë nën kontroll.
Gjithashtu, në rrethana dyshuese u dogjën pak ditë më parë dhjetëra hektarë në Troshan dhe Zejmen dhe për fat të keq shumë rrënje ullinj e pemë frutore u dogjën, ndërsa deri tani nuk ka asnjë person te ndaluar apo proceduar për zjarrvënie.
