Vëllai i Admir Murataj, Ceni ka dhënë një deklaratë të fortë për mediat, nga morgu pasi ka mësuar se i vrari është vëllai i tij, që nuk e ka takuar prej dy vjetësh.
Vëllai i viktimës ka hedhur akuza të forta në drejtim të shokëve të Admirit, pasi ata e lanë të vdiste në mes të rrugës.
“Thonë që e kanë hedhur shokët e vet aty, tha Cen Murataj. – Nuk njohim asnjërin, do të interesohemi se kush janë. Shokët do t’i gjejë policia, por do interesohemi t’i gjejmë edhe ne. Po s’i gjeti Policia, do t’i gjejmë me mënyrat tona. Meqë thonë se Admiri ishte organizatori, do të shohim se sa organizator ishte Admir Murataj. Ai është vegël, se organizatori nuk vritet. Do ta shohim se kush janë shokët që e lanë në rrugë”, përfundoi ai.
