Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Veliu kërcënon shoqëritë private të sigurisë: Punonjësit të mos shkojnë në protestë

Nga Ejona 0

Në një urdhër të paprecedentë, Drejtori i Përgjithshëm i Policisë së Shtetit Ardi Veliu, u ka kërkuar shoqërive private të sigurisë, që të mos lejojnë punonjësit e tyre të shkojnë në protestë. Letra mban datën 21 maj, vetëm 4 ditë para protestës së 25 majit.

Në këtë letër Veliu u kërkon Drejtorive Vendore të Policisë, që të deklarohen pronat që ruhen nga shoqëritë private dhe të theksohet se nuk ka kultivim kanabisi. Në pikën nr.2 të letrës, Drejtori i Policisë thotë se ndalohet pjesëmarrja në protestë për punonjësit e shoqërive private të sigurisë.

“Nga ana juaj të qartësohen titullarët e subjekteve, drejtuesit teknikë dhe punonjësit e shërbimit SHPSF, se ndalohet pjesëmarrja e tyre në protestat që organizohen në vend”, – theksohet në letrën drejtuar Drejtorive Vendore të Policisë.

Pjesëmarrja në protestë është një e drejtë kushtetuese dhe nuk ka rëndësi vendi se ku punon. Është hera e parë në vend që punonjësve të shoqërive private u kërkohet që të mos dalin në protesta, madje me një letër zyrtare të firmosur nga Drejtori i Policisë Ardi Veliu.

Madje shoqëritë private kërcënohen se do t’ju hiqet licenca nëse punonjësit do marrin pjesë në protestë. “Për rastet që do evidentohen me probleme, të propozohet në Drejtorinë e Përgjithshme të Policisë së Shtetit, për heqjen e licencës së subjektit SHPSF-së”,- thuhet në letrën e Ardi Veliut.

 

/Mapo.al/

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej