Qytetarë të Durrësit dhe Shoqëria Civile kanë protestuar sot për ndërprerjen e menjehershme të ndërtimeve për Velierën. Duke mbajtur pankarta në duar “mos ma prek Dyrrahun” ata kërkuan ndërprerjen e punimeve në të gjithë pjesën e sipërme të rrugës, sikurse ka vendosur dhe gjykata administrative.
Protestuesit thonë një zëri se me këtë ndërtim po shkatarrohen vlerat historike dhe arkeologjike të qytetit të Durrësit. Ata kanë marrë disa gurë në vendin ku po ndërtohen muret e varrosjes së portave antike të këtij qytetit, dhe i kanë lëshuar nëpër shkallët e bashkisë.
Kryetari i bashkisë së Durrësit Vangjush Dako po vazhdon punimet për “Velierën” edhe pse ka një vendim gjykate që ndalon punimet në këtë zonë.
Dje gjatë gërmieve për ndërtimin e themeleve të Velierës janë zbuluar artefakte të Perandorit August.
