Bashkia e Tiranës ka përfunduar rikonstruksionin e çerdhes numër 54 në njësinë administrative numër 2, e cila ndodhej prej vitesh në një gjendje tejet të amortizuar.
Çerdhja, në të cilën janë regjistruar 88 fëmijë, u përurua nga kryetari i bashkisë, Erion Veliaj. Ai u shpreh se nisma “Adopto një çerdhe” ishte një nga projektet më të suksesshme të bashkisë në vitin e parë të punës.
Kryebashkiaku shtoi se vëmendje e veçantë i është kushtuar jo vetëm përmirësimit të infrastrukturës, por në të njëjtën kohë edhe rritjes së cilësisë së shërbimit.
Ai gjithashtu nënvizoi se do t’i kërkohet Këshillit Bashkiak të mbështesë projektin e bashkisë për të rritur investimet në çerdhe, kopshte dhe shkolla.
