70 koordinatorë të zgjedhur nga Bashkia e Tiranës do të zbresin në terren nga dita e hënë për të nisur procesin e caktimit të administratorëve të rreth 5 mijë pallateve në Tiranë.
Kryetari i Bashkisë së Tiranës Erion Veliaj theksoi se duke filluar nga kjo fundjavë, të gjithë banorët e Tiranës do të marrin nga ai një letër që shpjegon procedurën.
Veliaj tha se do të krijohet asambleja e banorëve të pallatit, e më pas kjo asamble do të zgjedhë 3-5 persona si kryesi, të cilët do të kontaktojnë administratorin e pallatit për çdo problem që mund të ketë në pallat.
Pra, nëse banon në Tiranë, je me qira apo ke një apartament tëndin do të paguash njëlloj detyrimet për pallatin, shkallën, pompën e ujit apo ashensorin ,elemente që shpesh kanë krijuar konfikte për bashkëjetesën në komunitet.
