Kryebashkiaku premtoi se deri në fund të mandatit do jepet një zgjidhje për të gjitha pallatet e pahipotekuara
Kryetari i bashkisë Tiranë, Erion Veliaj dhe Ministri i Drejtësisë Ylli Manjani, ndanë sot çertifikatat e pronësisë për 1352 familje në kryeqytet. Me këtë vendim, 140 milionë $ çlirohen në ekonominë e qytetit si pasuri të vlefshme për kolateral. Veliaj premtoi se deri në fund të mandatit do jepet një zgjidhje për të gjitha pallatet e pahipotekuara.
Ministri i Drejtesisë garantoi më shumë përpjekje për ti dhënë zgjidhje problemeve të mbartura të pronesisë. Kryebashkiaku ka premtuar kështu ti japë zgjidhje një prej problemeve më të mëdha që kishte krijuar një ngërc të fortë ekonomik prej 3 miliardë dollarë, ai i regjistrimit të pallateve me probleme në dokumentacion.
