PDIU hap sot fushatën elektorale me një tubim në Pallatin e Kongreseve. Krerët e PDIU-së dhe kandidatët për deputetë të kësaj partie në të gjithë Shqipërinë, shpalosin platformën elektorale për zgjedhjet e 25 qershorit, nën slloganin “Veç një Atdhe!”.
Salla e madhe e Pallatit të Kongreseve është tashmë gati, e dekoruar me flamuj e banderola të PDIU-së. 27.al sjell fotografi dhe video të përgatitjeve të fundit që po bëhen në Pallatin e Kongreseve për të pritur elektoratin në takimin e nisjes së betejës së madhe të 25 qershorit, ku PDIU synon të dyfishojë mandatet e deputetëve. Takimi elektoral nis pasdite në ora 17:00.
