39 vjeçarja Xhensila Duka, ka ndërruar jetë ditën e djeshme në një klinikë private në Korçë pasi kishte shkuar për të marrë trajtim mjekësor.
Lidhur me këtë ngjarje të rëndë po hetohen në gjendje të lirë një mjek dhe një infermiere.
Të proceduarit janë I. B. (65 vjeç) dhe M. P. (39 vjeçe), të dy banues në Korçë.
Ndërkaq po priten rezultatet e autopsisë ligjore lidhur me vdekjen e 39 vjeçares.
“Specialistët për Hetimin e Krimeve në Komisariatin e Policisë Korçë, filluan procedimin penal në gjendje të lirë ndaj shtetasve:
I. B., 65 vjeç dhe M. P., 39 vjeçe, banues në Korçë.
Këta shtetas, duke qenë me detyrë personel mjekësor në një klinikë private, dyshohet se nuk kanë respektuar protokollet mjekësore gjatë trajtimit të pacientes Xhensila Duka, 39 vjeçe, banuese në Korçë, e cila dje rreth orës 16:30, ka gjetur vdekjen në këtë klinikë. Në lidhje me këtë rast, po priten rezultatet e autopsisë ligjore.
Materialet për hetime të mëtejshme i kaluan Prokurorisë Pranë Gjykatës së Shkallës së Parë Korçë për veprën penale “Neglizhenca në trajtimin mjekësor”, thotë policia.
Dyshohet se mjekët nuk respektuan protokollet e duhura në trajtimin e saj.
