Policia e Elbasanit ka shoqëruar dy mjekë të spitalit të Elbasanit pas vdekjes së një 25-vjeçareje gjatë lindjes së fëmijës së saj të parë.
Ngjarja e rëndë ndodhi ditën e sotme në maternitetin e qytetit. 25-vjeçarja Rexhina Debrova ndërroi jetë një orë pas lindjes me operacion. Ndërsa foshnja është në gjendje të mirë.
Në polici për t’u marrë në pyetje janë shoqëruar mjekët Nikollaq Thano, reanimator dhe kardiologu Mehmet Ibaj. Dyshohet se një prej mjekëve është vonuar rreth 3 orë për të mbërritur në vendin e punës.
Ndërkohë gjatë pasdites së sotme, në deklaratën për shtyp spitali deklaroi se shkak i vdekjes së 25 vjeçares ishte një komplikacion, ndërsa stafi mjekësor i kreu të gjitha shërbimet.
Vdekja e lehonës në Elbasan/ Spitali: Pësoi komplikacion, mjekët dhanë shërbimin e duhur
