Hashim Thaçi, Presidenti i Kosovës, i ka dërguar përsëri një letër zyrtare liderit të Lëvizjes Vetëvendosje, Albin Kurtit. Këtë herë, pasi Kurti propozoi 6 janarin për takim, Thaçi ka caktuar orën 15:00.
Në letrën e katërt të Thaçit drejtuar Kurtit, ai shprehet i gatshëm që ta takoj Kurtin në orën 15:00, në Kabinetin e Presidencës.
“Në përgjigje të kërkesës Tuaj, shprehi gatishmërinë që t’ju pres në takim me datën 6 janar 2020 në orën 15:00, në Kabinetin e Presidentit të Republikës së Kosovës, me qëllim të konsultimit për të propozuar kandidatin për Kryeministër për formimin e Qeverisë së Republikës së Kosovës”, shkruhet në letrën e Thaçit drejtuar Kurtit.
Ndryshe, në një konferencë për media, Thaçi kishte thënë se nuk i ka mbetur hatri nga dy refuzimet e Kurtit për takim.
“Ne nuk mund të sillemi me hatrime. Kështu që, mirësevjen në ditën që ka propozuar”, kishte thënë ai.
