Nënkryetari i LSI, Petrit Vasili shprehet se shqiptarët duhet të jenë vigjilent, pasi edhe Komisioni i Venecias ka konfirmuar se qeveria po vjedh pronat.
Me anë të një statusi në “Facebook”, Vasili shkruan se Komisioni i Venecias shprehet qartësisht se kjo qeveri grabit pronat e shqiptarëve, duke shkelur të drejtat e njeriut.
Postimi i Petrit Vasilit:
Shqiptarë jini vigjilentë,Venecia konfirmon se qeveria po ju vjedh pronat!
Komisioni i Venecias konfirmon qartë se rilindja shkel Konventën Europiane për të Drejtat e Njeriut për pronat.
Venecia konfirmon gjithshtu qartë se rilindja shkel Kushtetutën për të grabitur pronat e shqiptarëve.
Rilindja e la Shqipërinë pa Gjykatë Kushtetuese që të vidhte pronat e pashqetësuar sepse qytetarët nuk kanë se ku të ankohen.
Rilindja gjallon mbi grabitjen e pronës së qytetarëve.
Në krye të grabitjes është vetë Kryeministri.
Kjo është një vjedhje monstruoze qeveritare e pronës së shqiptarëve me qëllime korruptive për përfitim miliardash,prandaj edhe në projektligj kompetencat e procedurat,që duhet të përcaktojë ligji i rrëmben qeveria që ti rrëmbejë pronat sipas qejfit.
Kemi një qeveri që ditë e natë punon e vepron për vjedhjen e pronave të shqiptarëve.
Dhe hajde dëgjo pastaj këto gulçimet e përbetimet histerike të kryeministrit,i cili prin në krye të qeverisë më të korruptuar,që ndërtoi antishtetin më të kriminalizuar të Europës në Shqipëri.
Lexoni çfare thotë Komisioni i Venecias:
“Ekziston një rrezik i lartë që projektligji të mund të krijojë probleme pajtueshmërie me nenin 1 të Protokollit të Parë të Konventës Evropiane për të Drejtat e Njeriut dhe dispozita të tjera, si dhe me Kushtetutën shqiptare.
Në veçanti, Nenet 7 dhe 9 të p/ligjit janë në thelb të paqarta dhe të pasakta, prandaj mbajnë një rrezik të lartë që zbatimi i tyre do të çojë në shkelje të Konventës Evropiane për të Drejtat e Njeriut.”
