Petrit Vsili deklaron se Rama po e përdor median për të zhvendosur fokusin e problematikës së drogës dhe krimit.
Sipas Vasilit, kreu i qeverisë nuk shqetësohet për mediat të cilat i blen dhe i shet si të dojë por vetëm për të zhvendosur vëmendjen.
Statusi i plotë i Vasilit postuar në Facebook
Të përgjigjet kryeministri për drogën dhe krimin, debati për median shfokusim i qëllimshëm i tij.
Kryeministri u shqye më dysh që të bëjë protagonistin duke goditur mediat. Nuk ka asnjë merak ky, as për të drejtat e njeriut e as për liritë, sepse ky veç i shet e i blen ato. Kryeministri dhe parimi (parimet) janë të kundërtat e njeri-tjetrit.
Ky duhet të përgjigjet deri më një për drogën dhe krimin që mbolli në Shqipëri, që e damkosi si askush tjetër këtë vend.
Sa për mediat të blejë sa të dojë…Po “France International”, “Frankfurter Alegmaine Zaitung”, “Corriere della Sera”, “Neë York Times”, “The Telegraf”, a i blen dot?!
Mos u merrni me marrëzitë e tij, do të krijojë muhabete pa vlerë thjesht për ta devijuar vëmendjen.
Të përgjigjet kryeministri përpara task-forcës së tre milionë shqiptarëve për drogën dhe krimin epidemik.
Sa për mediat, media të ndershme e me integritet në Shqipëri e në botë ka plot, që do të tregojnë çdo gjë sot e çdo ditë për pushtetin e krimit dhe krimin në pushtet.
