Kreu i grupit kuvendor të LSI, Petrit Vasili ka lëshuar akuza të forta ndaj Kryeministrit Rama, i cili deklaroi se brenda këtij viti do të asgjësojë kanabisin në këtë vend.
Me anë të një postimi në rrjetin social Facebook, Vasili thotë se kryeministri mashtron lidhur me asgjësimin e lëndëve narkotike në vend.
Postimi i plotë
Kryeministri nuk lodhet së genjyeri për drogën.
Kryeministri deklaronte qindra herë më parë, pa u skuqur hiç, që kishte asgjësuar 99% të drogës.
Sot, Kryeministri tha që droga do të vazhdojë, por brenda vitit do zhdukë drogën?!
Drejtori i Policisë thotë nuk e kapim drogën se nuk punojnë radarët, ndërsa Ministria e Mbrojtjes thotë që radarët punojnë.
Ky kryeministër, që drejton këtë anti-qeveri që vetëm mashtron, jo vetëm popullin por edhe veten, e bën këtë që ta inkurajoje drogën të vazhdojë, kriminalitetin që të ndjehet i pashqetësuar dhe që policia të jetë pjesë dhe jo në luftë pa kompromis me këtë situatë tepër të rëndë.
Kryeministri vegjeton e bashkëjeton me situatën kriminale dhe rrënimin ekonomik.
Mashtrimi, linjë sjelljeje dhe veprimi e kryeministrit.
Ka mungesë totale të rezultateve të qeverisë, por edhe vizionit të pamundur të kryeministrit, për shkak të shkollepakësisë së tij proverbiale.
