Lëvizja Socialiste për Integrim është vendosur në front përballë “luftës” që dyshja Rama-Basha i ka shpallur.
Qesharake, e ka cilësuar kryetari i LSI, Petrit Vasili punën e ministrave teknikë ndaj administratës.
Sipas Vasilit punonjësit e administratës kontrollohen 6 herë në ditë, dy herë më shumë se të burgosurit, përmes një taktike që ka paralizuar punën e institucioneve.
Kreu i LSI shtoi se pavarësisht kontrolleve qesharake, pjesëmarrja në fushatë e atyre që duan, nuk mund të ndalet.
Megjithatë, sipas Vasilit ministrat teknikë menjëherë pas zgjedhjeve do të përgjigjen për shpërdorim të detyrës.
Vasili: Di të vërteta që e ulin Bashën
Gjatë intervistës për “Kjo javë” në News 24 Vasili shtoi se di të vërteta që e ulin shumë Bashën, megjithatë rezufoi të përmendë ndonjërën prej tyre.
Vasili ka përforcuar bindjen e LSI që kjo parti do të jetë forcë e parë në zgjedhjet e 25 qershorit, duke u shprehur i sigurtë se do të jenë pjesë e qeverisë së ardhshme.
