Forca të shumta policie janë të pranishme sot në Tiranë për siguruar mbarëvajtjen e protestës opozitare.
Kreu i Grupit Parlamentar të Lëvizjes Socialiste për Integrim Petrit Vasili tha në një intervistë për Report TV, se kjo prani e policisë sot është e çuditshme.
“Po të kishim të bënim me një polici kaq të organizuar kundër drogës siç është sot, nuk do ishim në shesh duke protestuar. Prania e policisë shton zemëratën popullore”, deklaroi Vasili.
Ai paralajmëroi se protesta do të jetë paqësore, ndërsa shtoi që ajo do të vijojë për aq kohë sa qytetarët do kenë diçka për të thënë në shesh.
“Protesta është masive paqësore. Fuaqia është mesazhi dhe zemërata. Sa kohë që qytetarët kanë dicka për të thënë në shesh, protesta do të vazhdojë”, tha Vasili.
