Nënkryetari i LSI-së, Petrit Vasili ka akuzuar ashpër ndaj 4 anëtarëve të PS-së në KQZ, pas vendimit të Gjykatës së Durrësit që nuk ka mandatuar kandidaten fituese në zgjedhje, me arsyetimin e Bindja Demokratike është regjistruar kundër ligjit.
Vasili thotë se 4 anëtarët e PS në KQZ do të jenë të parët që do të dënohen për një krim të tillë.
Postimi i plotë
U provua që Organizata rilindase në KQZ ka kryer krimin e shkatërrimit të zgjedhjeve në Shqipëri.
Më parë ODIHR i vuri vulën regjistrimit të paligjshëm nga KQZ të Bindjes.
Gjykatat shqiptare megjithë presionin banditesk të Ramës dhe rilindjes refuzuan të konfirmonin votimet socialiste që KQZ ju imponuan shqiptarëve në 30 qershor.
Organizata rilindase në KQZ do të përgjigjet deri në një për shkelje të Kushtetutës duke rrëzuar dekretin e presidentit, për shkelje të kodit zgjedhor, për shpërdorimi të detyrës, për shpërdorim të fondeve publike për votime të paligjshme.
E sigurte është që do të jenë të parët anëtarë të KQZ në historinë e pluralizmit, që do dënohen edhe si kamikazë edhe si shkelës të ligjit edhe si persona të trashë, që vepruan si të marrë në dëm të Shqipërisë dhe interes vetëm të Edi Ramës.
