Në seancën e sotme parlamentare Kreu i Grupit Parlamentar të LSI, Petrit Vasili tha se një devijim apo një analizë e vetme e manipuluar do të ishte motiv për ta anuluar njëherë e përgjithmonë ligjin e mbetjeve.
Vasili u shpreh se do të krijohet një standart i ri sesi shoqëria civile do të përfaqësohet dhe se si qytetarët mund ta monitorojnë nga afër zbatimin e këtij pr/ligji.
Vasili: “Qoftë edhe një fakt i vetëm, devijim i vetëm, qoftë edhe një analizë e vetme e manipuluar, qoftë edhe një kontenier i vetëm i cili do të përpiqej të futte një mbeturinë tjetër për tjetër do të ishte një motiv për ta anuluar njëherë e përgjithmonë këtë ligj, e për të thënë që shteti shqiptar është e pamundur të zbatojë këtë ligj apo ligje te tjera.
Me këtë qëndrim ne krijojmë një standard të ri sesi shoqëria civile do të mund të përfaqësohet. Ligji ka një element të rëndësishëm që është kufizimi në tre dogana të vendit.
Asnjëra palë nuk zvëndëson tjetrën. Shteti është i detyruar të bëjë detyrën, qytetarët kanë mundësi ta monitorojnë atë nga afër, jo nga larg. Ta monitrojnë pa kufizime dhe pa ndalime dhe pastaj për cilindo nga dukuritë që shikon qoftë minimale, qoftë ajo të ketë të drejtën publike për ti thënë jo nëse raste se ky ligj është i kundërt nga ajo që shkruhet.”
