Kryetari i LSI, Petrit Vasili ka reaguar pas padisë ndaj kryeministrit, për thirrjet që Rama i ka bërë policisë për të dalë në fushatë dhe për të mblidhur vota për PS.
Vasili shpjegon arsyet se përse vendosi që LSI të depozitonte padinë ndaj kryeministrit, edhe pasi Rama kërkoi ndjesë publike.
Statusi i Petrit Vasilit:
Më kanë pyetur se pse shkuam në padi ndaj kryeministrit për thirrjen e punonjësve të Policisë së Shtetit për pjesëmarrje në fushatë elektorale edhe pasi ai kërkoi ndjesë publike. Ja pse: Sepse nuk ka dy drejtësi.
Një drejtësi për kryeministrin që e kalon me një “më fal” dhe një drejtësi tjetër për specialistin e thjeshtë të një ndërmarrjeje publike, i cili mund të jetë pushuar menjëherë nga puna për një foto të gjetur diku nga task-forca me të cilën po bashkëjetojmë në kushte të panatyrshme.
