Kreu i grupit parlamentar të LSI-së Petrit Vasili ka deklaruar se hetimi duhet të nisë që nga kryeministri.
Vasili deklaroi se shkarkimet e Elbasanit janë të vonuara, ku i pari që duhet të ikë është Haki Çako.
Ai shtoi më tej se Rama ka frikë të shkarkojë Çakon në një kohë kur krimi ka uzurpuar qeverisjen.
“Shkarkimet e Elbasanit janë të vonuara që duhet të bëheshin 2 muaj më parë, ato bëhen për të shmangur vëmendjen nga droga dhe për të hequr vëmendjen nga ngjarjet e tjera tepër të rënda që po ndodhin. Është e rëndë që në këto shkarkime po u bihet në qafë edhe policëve e drejtuesve të ndershëm. I shkarkuari i parë duhet të kishte qenë Haki Çako. Për faj të tij Shqipëria është pa polici dhe të vetmit që janë të qetë janë kriminelët. Kryeministri shqiptar trembet për vdekje të bëjë një shakrkim të tillë. Nuk ka kohë për të humbur dhe duhet vepruar me shpejtësi pasi shoqëria është sot më e kërcënuar se kurrë, pasi si asnjëherë në historinë e këtij vendi krimi ka uzurpuar qeverisjen”, deklaroi Vasili.
