Nënkryetari i LSI, Petrit Vasili, i është drejtuar me një thirrje Kryeministrit Rama, ku i kërkon të lë mënjanë vetëlavdërimet e përlotjet mediatike dhe të përgjigjet urgjentisht para ligjit.
Postimi i plotë
Kryeministri të lërë vetëlavdërimet e përlotjet mediatike dhe të përgjigjet para ligjit!!
Në 3 tetor 2019 tamam 2 javë pas tërmetit shumë të rëndë prej 5.8 ballë të 21 shtatorit Edi Rama në Real Story me gojën plot thoshte:
“Jemi një shtëpi e vogël dhe fatmirësisht jam i gjatë dhe i fortë. Këtu më të mirë se unë nuk ka dhe do punoj çdo ditë do të bëhem edhe më i mirë”,
Në 27 nëntor kur nuk i mbushur as 48 ore pas tërmetit të tmerrshëm prej 6.4 ballë të 26 nëntorit Edi Rama thotë prap se është më i miri. Ja çfarë thoshte:
“Jam një shqiptar kokëfortë, që i shërbej me zemër vendit tim, që e mbroj të vërtetën time me gjithë zemër dhe që di ta bëj këtë detyrë më mirë se të tjerët, deri kur të dalë natyrisht ndonjë tjetër, që s’e njohim akoma”.
Kemi parë edhe plot përlotje e ngashërime mediatike të kryeministrit njëra me e shpifur se tjetra nga ato që e fyejnë rëndë dhimbjen e çdo shqiptari por vecanërisht të atyre që kanë humbur njerëzit e dashur të tyre.
Të jesh kryeministër do të thotë tu dalësh për zot punës dhe jo të përbuzësh qytetarët.
Ka disa pyetje që kryeministri duhet tu japë përgjigje para shqiptarëve si dhe përpara prokurorisë:
1.Përse nuk bëri asgjë por përkundrazi u tall kur në 29 korrik Presidenti tërhiqte vemendjen për rrezikun e tërmeteve dhe shkallën e përgatitjes së shtetit lidhur me to??
2.Përse pas tërmetit të tmerrshëm të 21 shtatorit refuzoi të shpallë Gjendjen e Fatkeqësisë Natyrore dhe të marjen e masave emergjente.
3.Përse u ngrit Agjensia Kombëtare e Emergjencave Civile vetëm në 27 nëntor pas dy tërmeteve shkatërrimtare.
4.Përse ndërtesat e dëmtuara rëndë nga tërmeti i 21 shtatori nuk u bllokuan dhe evakuuan qytetarët që do të evitonte humbjen e jetëve në tërmetin e 26 nëntorit.
5.Përse Rezervat e shtetit nuk morën masa të jashtëzakonshme pas tërmetit të 21 shtatorit.
6.Përse nuk u mobilizuan specialistët vendas dhe të huaj pas 21 shtatorit për vlerësimin e gjendjes së ndërtesave.
Ndaj kryeministri i vetquajtur “më i miri” duhet të përgjigjet përpara drejtësisë sepse 51 humbje jetësh është një tragjedi, që ka shënjuar jetën e të gjithë shqiptarëve.
Përlotjet mediatike dhe ec e jaket për show të këtij individi kryeministër janë një fyerje violente e rëndë sa vete tërmeti.
Çdo vonesë e drejtësisë është bashkëfajësi shumë e rëndë!!
