Menjëherë pasi Britania e Madhe ka paralajmëruar përhapjen e një varianti të ri të koronavirusit, ku një numër i madh i vendeve evropiane kanë ndaluar ose pritet të ndalojnë udhëtimet nga Britania.
Raportohet se Holanda dhe Belgjika kanë pezulluar fluturimet, gjithashtu në kuadër të masave mbrojtëse edhe Belgjika ka pezulluar lëvizjen e trenave në drejtim të Britanisë.
Këtë të dielë ministri i Jashtëm italian, Luigi Di Maio ka njoftuar pezullimet e fluturimeve me Britaninë e Madhe.
Gjithashtu pritet që një vendim të ngjashëm ta marrë edhe Gjermania. Zyrtarët shëndetësorë thonë se nuk ka asnjë provë që tregon se varianti i ri është më vdekjeprurës, ose do të reagonte ndryshe ndaj vaksinave, por po tregon të jetë deri në 70% më i transmetueshëm.
