Edhe pse e ndërtuar dhe inaguruar vetëm katër vite më parë nga Vangjush Dako, shkolla 9 vjeçare “Naim Babameto” në Durrës do të shembet për shkak të dëmeve që ka pësuar nga tërmeti.
Sipas aktit të ekspertimit dy kolonat kryesore në pjesën ballore kishin dalë jashtë funksionimi, dhe për këtë dikush duhet të mbajë përgjegjësi për shpëdorim detyre dhe të fondeve publike.
Në këtë shkollë marrin mësim mbi 900 nxënës, ndërkohë që nxënësit tashmë janë të detyruar të shkojnë në shkollën e mesme “Leonik Tomeo”, në oraret e pasdites.
Nxënësit e kanë shumë të vështirë zhvendosjen, pasi rruga që duhet të përshkojnë është një nga arteriet më të mbingarkuara në Durrës, pasi aty kalojnë qindra autobote të ngarkuar me lëndë djegëse, që shpërndahen në të gjithë Shqipërinë e në Kosovë e Maqedoni.
