Ka nisur sot vaksinimi kundër koronavirusit në vend. Kryeministri Edi Rama ashtu sikurse lajmëroi ka marrë sot vaksinën para kamerave, pas shefes së Infektivit Najada Çomo.
Rama ka plotësuar formularin sipas procedurës, më pas mori vaksinën. Kryeministrit do t’i duhet të qëndrojë 30 minuta pas marrjes së injeksionit në stadiumin “Air Albania”.
Pas kryeministrit u vaksinuan mjekët Pëllumb Pipero dhe Tritan Kalo. Bluzat e bardha janë ata që do marrin vaksinën, ndërkohë më herët sot Rama deklaroi se do ta bënte sot vaksinën anticovid, jashtë radhe në shenjë sensibilizimi për të gjithë skeptikët.
