” Emergjenca konsiderohet në rrugë institucionele, ka një strukturë që quhet këshilli i ministrave që vlerëson çfarë quhet emergjencë. Jam më shumë se dëshirëplot që t’i jap përgjigje kritikuesve që lëshojnë batuta nga kolltuqet dhe sallonet”. Kështu tha Ministrja e Mbrojtjes, Mimi Kodheli ndaj prozimit të Ministrit të Drejtësisë Ylli Manjani, pak ditë më parë, i cili u shpreh se situata e kanabisit në vend është alarmante dhe duhet ndërhyrja e ushtrisë.
Këtë deklaratë ministrja Kodheli e bëri pak para se të hynte në sallën e Kuvendit.
Kodheli: “Në një demokraci funksionale kushdo duhet të bëjë detyrat që iu takojnë, në këtë rast ministria e mbrojtjes i’u jep sqarime për çështje të sigurisë. Mirëpres kritikat që kanë të bëjnë me zgjidhjen e emergjencave. Jam më shumë se dëshirëplot që t’i jap përgjigje kritikuesve që lëshojnë batuta nga kolltuqet dhe sallonet. Ushtria funksionon në një mënyrë të caktuar sa herë ka pasur emergjenca. Emergjenca konsiderohet në rrugë institucionele, ka një strukturë që quhet këshilli i ministrave që vlerëson çfarë quhet emergjencë”.
