Usaid/Albania ka dorëzuar ditën e sotme, 29,000 komplete testimi në Institutin e Shëndetit Publik.
Përmes një postimi në Facebook, Ambasada Amerikane njoftoi se kjo ndihmë është si përgjigje ndaj pandemisë Covid-19, dhe se SHBA ka angazhuar më shumë se 1.5 miliard dollarësh ndihmë me qëllimin për të luftuar pandeminë.
Postimi i plotë i Ambasadës Amerikane
”Usaid dorëzoi 29,000 komplete testimi në Institutin e Shëndetit Publik, si pjesë e ndihmës së Shteteve të Bashkuara për Shqipërinë, në përgjigje të pandemisë së COVID-19. Që nga shpërthimi i pandemisë, qeveria e Shteteve të Bashkuara të Amerikës ka angazhuar më shumë se 1.5 miliard dollarë ndihmë nëpërmjet Departamentit të Shtetit dhe USAID, posaçërisht me qëllimin për të luftuar pandeminë.”
