Komentit të kryeministrit Rama se mes një burri 2 metra (duke nënkuptuar veten e tij) dhe një vajze të vogël (duke nënkuptuar gazetaren Ambrozia Meta) sigurisht që publiku do të zgjidhte këtë të fundit, i është përgjigjur sot në studion e Artur Zhejit vetë gazetarja e Fax News-it:
“Sigurisht që unë nuk i gjykoj njerëzit nga aspekti fizik, madje mendoj se kryeministri Rama nuk ka epërsi ndaj deputetit të partisë së tij, zotit Erjon Braçe vetëm për shkak të fizikut të tij”.
Gazetarja më herët në emisionin e Zhejit tha se kryeministri u përpoq ta shantazhonte dhe ta intimidonte në konferencën e mbajtur për shtyp menjeherë pas kthimit të tij nga Samiti i Sofjes. “Ai u përgjigjej pyetjeve me pyetje”, tha gazetarja Meta.
