Ulsi Manja prezanton drejtorin e ri të Shërbimit të Provës

0
184

Ervin Hoxha do të jetë Drejtori i ri i Shërbimit të Provës. Kreu i ri i këtij dikasteri është prezantuar sot nga ministri i Drejtësisë Ulsi Manja.

Me anë të një postimi në facebook, ministri i Drejtësisë, Ulsi Manja, shkruan se Shërbimi i Provës është një hallkë e rëndësishme e gjithë sistemit të drejtësisë që shërben në rehabilitimin dhe riintegrimin e personave të dënuar nga gjykata.

“Nuk do të lejoj, dhe e bëra të qartë si kristali sot, që specialistët e këtij shërbimi ta përdorin mandatin e shtetit për qëllime të errëta kafeneve e restoranteve të Shqipërisë duke thyer besimin e qytetarëve dhe të shtetit.

Kam besim se drejtori i ri, Ervin Hoxha, që sapo u prezantua, ndan të njëjtat qëndrime, synime dhe vizion me mua. Ne jemi në shërbim të ligjit dhe qytetarëve. Nëse ndokush mendon ndryshe, duhet të shkëputet vetë, ose do ta shkëpusim ne. Ligji, e drejta dhe qytetarët janë të parët” – shkruan ministri Manja.