Forcat e Armatosura të Ukrainës kanë publikuar ditën e sotme disa pamje të reja në të cilat shihen aktivitete disi të pazakonta të ushtarëve ukrainas.
Mediat e huaja shkruajnë se ashtu siç shihet në videon e publikuar në faqen zyrtare në Twitter të Forcave të Armatosura të Ukrainës, ushtarët vendosën t’u shkruajnë mesazhe rusëve përmes granatave që hedhin ndaj tyre.
Megjithatë, ajo që është e pazakontë është se këto mesazhe janë shkruar në predha artilerie që do të hidhen në pozicionet e ushtrisë ruse.
“Mbrojtësit ukrainas po i shkruajnë një letër pushtuesve. Nga Ukraina me dashuri”, është një nga mesazhet e shkruara në predhat e artilerisë.
