Ukraina fajëson BE-në se po e lë të vetme në këtë luftë përballë Rusisë, pasi nuk po e ndihmon me armatime. Në një dalje publike, këshilltari i presidentit Zelensky, Mykhailo Podolyak, është shprehur i nervozuar me BE-në pasi sipas tij s’kanë dërguar armë të cilat i ka kërkuar Ukraina.
Podolyak ka shkruar se armët janë vonuar dhe s’janë armët të cilat i ka kërkuar Ukraina. “Ukraina i kërkon armë Evropës. Evropianët përkrahin kërkesën për qeveritë e tyre. BE-ja i dërgon armë Ukrainës, jo ato të cilat i kemi kërkuar ne. Armët vonojnë shumë për të arritur”, ka shkruar ai. Tutje Podolyak ka thënë se armët i nevojiten Ukrainës tani jo pas një muaji. “Demokracia s’do të fitojë duke luajtur këtë lojë. Ukrainës i duhen armët. Jo pas një muaji. Tani”, ka shkruar ai.
