Avokati i familjes Murataj, Arbër Hoxhaj, paditi në Prokurorinë për Krime të Rënda, Forcat e Ndërhyrjes së Shpejtë, të cilët vranë Admir Muratajn pas grabitjes së parave në aeroportin e Rinasit.
Sipas pretendimeve të familjes Murataj, Admir Murataj u vra qëllimisht nga policia pasi uniformat blu nuk kanë vepruar në kushtet e vetëmbrojtjes.
“Admir Murataj është qëlluar për t’u vrarë. Ai që e ka qëlluar duhet të vendoset përpara drejtësisë. Mundet që edhe punonjës të policisë mund ta kenë qëlluar për ta vrarë dhe kjo duhet hetuar për t’u vënë përpara drejtësisë”, tha avokati.
Lidhur me vonesat e certifikatës së vdekjes e cila ende nuk është dorëzuar në gjykatë, avokati u përgjigj: Detyrimin ligjor e ka organet ligjzbatuese. Këto janë çështje procedurale.
