Detaje të reja janë zbardhur nga vrasja e efektivit të FNSH-së, Xhulio Prela mëngjesin e sotëm pranë fshatit Gajush në Lezhë.
Mësohet se i riu është nisur pak pas mesnate nga shtëpia e tij për në Rinas ku do të priste një mikun e tij.Pas marrjes së mikut të tij, dyshohet se Xhulio Prela është nisur për në Shkodër pas mesnate. Të afërmit shprehen se nuk kanë asnjë dyshim tek miku i Prelës, të cilin ai e mori nga aeroporti i Rinasit duke hedhur dyshimet se gjithçka mund t’i ketë ndodhur për shkak të punës si polic.
Ai u gjet i vrarë në makinën e tij tip “Volkswagen” rreth orës 03:00 të ditës së sotme dhe dyshohet se është qëlluar me pistoletë, ku njërin prej plumbave e ka marrë në zemër duke i shkaktuar kështu vdekjen.
